帶我走出人生低谷的組合(一篇過版本)

lochun

有留意開我地投資區既版友,

都知道我係一個日日都炒,仲要係炒"暈" 曬市面上所有投資工具(期指,外匯,OPTIONS, MARGIN 股票...等等)既人


2006-2008年果幾年太過順風順水
以為自己無敵, 錢好易搵{:6_326:}


我諗之後大家知發生咩事啦~~{:6_323:}


我辛辛苦苦建立既一支外匯團隊, 一星期內全部人自動KO 佢自己.
我辛辛苦苦嬴既一分一毫, 一星期內全部冇曬


老闆自己都唔掂, KO 左我後, 佢KO 埋自己間FIRM{:6_303:}
果時仲心諗個市會升番, 碌現金再搏....
最後........當然係冇曬啦


欠銀行幾十萬, 又冇工開, 果一刻真係諗住今世人玩X完(果時仲要結婚TIM.....{:6_310:})


o係機緣巧合下, 得到lp了波你2財龜一面. 我日求夜求,日以繼夜, 夜以繼日,再日以繼夜咁狂求佢可以幫助我,可以一次咁還清債務,重新開始.


結果.......
















都係冇改變{:6_311:}


果陣時日日都覺得會唔會係塊牌冇力(新手通病), 會唔會係假既呢(新手通病x2), 係咪經咒念得唔岩呢?(新手通病x3)我狂上網睇圖鑑(知識因此而來), 對下係咪假野. 周圍去問人係咪堅, d 人d答案有d 話係假(話係假之後sell x 我陰牌, 仆佢個街), 有d 話真, 搞到我真係想放棄佢.

好彩果時我真係冇錢, 冇請到陰牌(陰牌危險性我之後再同大家分享).......
最後決定print 圖鑑果頁出來, 逐個符號對, 先發現原來係真到冇朋友果隻.
果晚照平時咁多念經, 突然靈光一閃, 歸納問題:
1. 牌係堅
2. 牌堅-->咁即係一定有力啦
3. 落得入我手, 一定同我有緣

咁點解仲唔發揮到佢應有既力量呢?????????


答案: 問題出在自己身上!!!!


我無時無刻要求佢幫我解決現有苦況, 從來沒有修佛之心!
只係當佢係一個賭神牌去用! 咁完全違反左南傳佛教既精神同教義!!!!


我發現我要首先要靠自己修行, 多做善事, 同努力向上先可以搞掂個結構性核心問題.......


我開始做義工(因為冇錢, 做義工有時又包下食飯咁),捐血,日日用心去念經
我求既野, 由:"求下你比我嬴多D 錢啦"
變成真心地求:"求你賜我智慧去解決問題,我成功了,我一定會做多D善事架!"


過左幾個月非人生活後,好奇怪地, 我有個大學同學, 在銀行做HR突然聯絡我.
我就入左銀行工作勒~~~ (好奇怪既事又發生左, 因為一般入職銀行, 都會查你個信貸資料, 我欠幾十萬, 佢都請我!!佛祖保佑! )


之後我番工, 份人工連還息都唔夠....
我就繼續堅持信念.... 早上返工, 夜晚幫人補習, 星期六日都係幫人補習{:6_301:}
得閒就上網或去佛牌店睇牌(得個睇字, 因為真係冇錢請! 有幾間直頭睇到佢叫我係買先好去..........{:6_299:} 但係都有幾間次次都會理我, 攞D貴牌比我摸下,影下相對圖鑑咁, 我都好開心!!!)


結果我兩年左右搞掂條數,戶口仲有3萬蚊TIM!{:6_293:}


還曬果一刻你知唔知我個感覺係好似:有舊屎疴唔出,終於疴出來勒{:6_294:}


果幾年, 我日日都對住D 炒野, 我一毫都冇炒過. 我淨係不停咁用模擬交易去找出可以獲利既方法.


終於!! 我果幾年既模擬交易竟然有65% 機會係WIN 既! (記得:過往表現唔代表將來回報!如果跟我投資區既分析, 請師兄姐們風險自負)
我同我自己講, 我修了心, 我不貪, 但由於呢個係我既行業同專長, 我會o係唔影響我生活既情況下去炒野, 不會再借錢炒, 做好風險管理.


2011年, 我一邊工作, 一邊用果三萬炒期指同外匯. 阿彌陀佛,竟然比我賺番之前輸左果d....... 我終於有錢結婚了!!!! {:6_296:}O係屋企仲整左個四面神壇TIM!


2012年, 我幫我老婆請左個財龜(佢之前唔信,但佢一直陪住我,睇住我改變, 佢都信埋){:6_294:}
我自己就去果間成日比我摸下佛牌果間度請左2509 屈曼冠碰祟笛.......

2013年7月 恆指岩岩20000點. 我入左市. 8月中22400 我放曬.
我又去了請2515龍婆銀大鋤頭. 開心死我~!!~


多謝收看! 記得要堅持正信佛牌才會發揮最大效用!

ChrisChow@FB

有舊屎疴唔出,終於疴出來勒{:6_296:}爽爆

Amber

mui

加油，努力{:6_316:}

阿森

好好既分享~

性情中人

{:7_345:}{:7_345:}{:7_345:}

亞特蘭提斯

無敵級支持 師兄的正念正信!

kkk

感謝分享·師兄繼續努力

阿樹TEI

正呀喂

c8kin

我收藏了
久不久攞出黎睇下, 提醒一下自己

師兄, 你篇文章好Good