屈當二及納萊般怒符管

Antonypoon

真係好多謝Unite 師兄指導，我先識去到pantip ngamwongwan包殼。另外，我都要感謝其中一位板主，當佢割愛讓屈當二比我時，都教導我不要只是求願還要多行善。

四年前左右，當時差不多30的小弟事業上一直都沒有起色加上人工又低。當時心灰意冷就辭去工作跟女朋友即現在的老婆去了泰國散心。

當時聽講四面神好靈驗，未試下拜下希望事業有所發展或有政府工做啦。

返到香港後，就好快有間大公司請左我，人工同前途都比以前好，再加人緣變得極好。最重要係我考左好多年政府工都一直無回音，但泰國返來後就連續三次政府不同部門都請我，不過最後我都無答應到。

由果時開始，我就每年都返泰國去拜四面神啦。事業上發展就越來越好。最神奇係以我既學歷同能力都無可能算到去公司管理層的位置，但最後都升到果個位置，生活上慢慢都有改善。

工作上真係好辛苦好多難題要去解決再加上勁多小人，但每次向四面神求願，事件都最後順利解決到。所以每個月頭就去荃灣的四面神，一年去泰國四面神希望工作上順順利利就變成我習慣了。

大約半年前，我忽然好想供請佛牌，但我本身沒有依方面的知識，最後就係荃灣四面神的攤鋪供請了一個四面神牌了。當一戴左佢一陣，就立即工作出了大錯，差不多連份工都無左，心情都變的極差，可能就係師兄請清業障，不過最後都順利解決。

一個月前，我開始接觸unite。除左學到不同佛牌上知識，更比屈當二深深吸引住。咁係依段時間，我發現我部門有件事出錯了，可能會對公司有影響。當時係星期五下午，我又放緊假做唔到野，所以極擔心。到星期六同日我就成功係2位師兄手上接過屈當二同納萊般怒符管，當時我心想過到依關，我會去泰國感謝四面神幫助重要為屈當二同符通包銀殼。到了星期一返工，當然我係勁驚啦。不過神奇係件事本身極難解決手尾會好長，但竟然對方忽然不追究。當時真係鬆一口氣。另外戴左屈當二同納萊般怒符管後，感覺工作上好似變得更順利，做野阻礙小左好多，連公司既小人都無再攪鬼我。有時真係講你都唔信。

再加插一個題外話，我有個家人幾年前生意失敗，幾年來都想東山再起但一直都無結果。他當時更同越南某公司傾左成年都無起色。因為佢好錫我，所以當時我幫佢在泰國向四面神求願希望佢可以成功。可惜我返到香港無耐，家人就驗出了未期癌症但同時間接到越南方面消息他成功了。不過佢個月後就過身了。就好似依到師兄成日講既業力吧，有時命運係咁好難去改變。雖然我家人已經過左身，我都有守信用再去泰國幫我家人向四面神多謝。不過我都想起師兄講，佛牌係導人向善，所以向神明求願同時都要緊記多多行善。

adzccke

多多行善#good##good#
感謝師兄詳盡的分享

vincentLiu

感恩師兄得得四面神嘅眷顧得以在工作上順順利利，我其實同你嘅經歷好相似，今時今日得到嘅野我相信四面神都幫我好多，所以我都好感恩會定時定候行善去還願同積德，希望四面神繼續與你同在同希望師兄能繼續維持呢種心態去信，唔好墮入佛牌嘅功效迷思之內，有機會就恭請一面屈當一吧

alkmaar

感謝師兄分享經歷,屈當二銀殼好靚~

kbkb88

我都有感受到四面神威力

luiho

好牌好組合#good#

小小牛

師兄和四面神好有緣唷 #good#

Merlion_L

多謝師兄的分享！

我都有每個月keep住去荃灣拜四面神，而且四面神幫過我好多，特別係工作方面人工有調高左！

因為覺得四面神非常靈驗，所以請左尊屈當二配帶，暫時都順順利利～

JimJan@FB

多謝師兄分享, 只要誠心, 四面神一定會幫人, 記得多多行善。[bouncy]

chuikenny@FB

多謝師兄分享