[有雷] 凶靈祭 薩滿 The medium 電影討論

佛牌愛好者Leo

話說前兩日睇完，佢無乜Jumpscare，但係氣氛我覺得做得唔錯，係一開始佢個紀錄片拍攝隊手法睇到我有啲暈坨坨。未至於要睇開燈場嘅
佢個故事我覺得幾特別，成套戲以第二人稱身份代入，角色人物會對住我地講野。
有少少疑問，所以我highlight左啲字，想一齊討論下。
以免有人唔小心按左入黎睇到劇透，我先設定回覆後顯示：

首先觀眾係以攝影師視角參與劇情，佢成個故事就係拍攝隊身份進入泰國東北部嘅一條小村採訪繼而發生種種不可思議嘅事：
首先成條村都信奉一位守護神—巴揚神，我其實諗緊劇中嘅巴揚神 到底係正神定係陰神，因為佢唔係係啲廟宇入面，而係係一個類似草叢 深林入面。
咁條村入面有個叫Nim嘅薩滿，一開始話佢係巴揚神嘅僮身，但係本身係應該佢姐姐(Noi)做僮身，但係由於佢（姐姐）唔想成為薩滿，所以拒絕左巴揚神，改信天主。
Nim係套戲入面其實有展示過神力，例如唸咒同埋做儀式開黑雞蛋，作為村入面嘅法師，亦幫助過好多村民解決問題，由此證明Nim係有一定嘅法力。

套戲主要描寫女主角Ming，根據套戲嘅設定，守護神繼承嘅時候，一定會選擇女性，症狀係會黎5個月嘅Period。
Ming一開始係有呢啲類似症狀，係守護神想選擇Ming作為下一個薩滿嘅跡象。 一開始Nim都以為係咁，所以經常想去關心Ming，但係姐姐Noi就一直覺得Nim係想搵佢個女Ming做薩滿，所以出於自私嘅想法一直阻止。
但係後尾Ming開始出現其他症狀，開始慢慢偏離軌道： 例如會見到Ming有時無緣無故聽到怪聲同人爭執，有時又會成個小朋友咁，放蕩嘅夜生活，完全打破原先乖乖女嘅形象，變左另外一個人咁。

故事發展到中期，Noi覺得個女咁樣唔掂，所以帶左個女去一個不知名嘅法師到做儀式，儀式中段Nim衝入黎中斷左儀式，認為亂咁做儀式係會令到事情更加差，點知Ming尼個時候突然發癲，攻擊自己阿媽之後，拔腿離去，失去蹤影。
事後Nim入左Ming間房，發現好多奇怪嘅物品，垃圾膠袋，巫術娃娃... 仲發現Ming同哥哥有不可告人嘅關係，導致哥哥係劇前段就自殺。
Nim就懷疑係哥哥上左Ming身，所以去左哥哥自殺嘅地方，求哥哥放過細妹，一直做儀式直到黑雞蛋出現先發現原來比靈體欺騙左。【呢度唔係好明，點解做完個儀式就知道Ming嘅方位，同埋知道比靈體厄左。。】

去到後尾Nim本身搵左另外一個法師同佢一齊為Ming做驅魔儀式，點知Nim係儀式前兩日在睡夢中死去，儀式交由另外一個法師執行，因為個阿姨鬼遮眼搞事導致驅魔失敗一鑊熟，法師比鬼上身自殺死左，法師嘅徒弟全部中招變左生化危機。
尼個時候Noi話自己感受到巴揚神上左佢身，要求儀式繼續，叫自己阿哥同埋其餘嘅白衣點香交比佢繼續儀式，點知Noi攞到香之後將佢地倒插係香爐度【呢度我完全唔知到底真係巴揚神上身，定係其他邪靈上身...【呢度甚至令我覺得佢地一直信奉嘅可能係陰神】】，但係後期ming見到Noi嘅時候，Noi對住個女唸咒嘅時候又有用。。。 迫使到Ming要叫Noi阿媽企圖停止佢唸咒，Noi聽到Ming嘅呼喚，唔忍心繼續唸咒傷害女兒，最後比個女Ko埋。

劇尾有Nim臨死前嘅最後訪問片段，原來佢從來都唔知巴揚神有無降臨係佢身上，佢自己都對個驅魔儀式都無信心。

成套戲都係講因果循環，因為Ming老豆厄保險嘅時候放火燒死左好多人，Noi拒絕左巴揚神，而且又係一個賣狗肉嘅人，令到個女咁樣。
成個故事我覺得好貼地，唔會太誇張【除左後面生化危機個part】


不過我就諗，與其話造業影響後人，不如話造業會吸引到業力重嘅後人，而且有可能會一直係唔好嘅循環入面出唔到去，想斷左個循環，就要從自己做起，再繼而影響身邊嘅人。
最後Nim個畫面真係好深刻，[最怕就係當你以為神離你而去，先發現原來神從來都無黎過。]
係我個人覺得係因為Nim個信仰崩塌左，所以會咁樣認為。
以下開放討論

namodasha

謝謝分享

denniswing3339

睇睇先！！

Kychauu

hang

有興趣，睇下講咩先

Tommy

see see...

pmxsl

仲未得閒睇，sosad

只要相信

睇左，唔算太恐怖

北喬鋒

Ccccccccccc

ncwaing

see see thanks