性價比高佛牌討論

herman

Hugo_96 發表於 22-9-2023 23:36
係咖,我都承認當FEEL到戴得順係想追係會上頭,但師兄都奉勸一句。同名牌一樣冇得追諗清楚先)唔係既話都好高 ...

我都係幾百一塊，一個月要十塊已經幾千🤣
不過下個月應該冇咁多了，頸得一條戴唔哂

放下啦

herman 發表於 23-9-2023 12:57
我都係幾百一塊，一個月要十塊已經幾千🤣
不過下個月應該冇咁多了，頸得一條戴唔哂 ...

正常架，人就係咁，見到好的，自然就想欲望擁有，控制到自己既，就會願意做交換，控制唔到自己既，就可能想非法獲取，結果更慘。

所以欲望是非常危險的，而且欲望的優先次序，是不斷改變的，例如餓的時候，食物就排第一，欲望也是無休止的，例如剛剛請到喜歡的牌，然後就立即想請另一個。

月光族，就係控制唔到自己既欲望，不斷買買買。

jajamo

放下啦 發表於 23-9-2023 00:04
咁成本都好高下，夾到既，百中無一，千中無一都唔算出奇。

點解會咁，可以用數學來解釋既，兩個夾唔夾嘛 ...

我又無用夾唔夾去衡量，因為去計功效/夾唔夾係“有求”，有求必受外在因素影響，咁同“悟”只會走相反方向，唔係我要既野。

jajamo

放下啦 發表於 23-9-2023 14:09
正常架，人就係咁，見到好的，自然就想欲望擁有，控制到自己既，就會願意做交換，控制唔到自己既，就可能 ...

何謂因何謂果，其實好難界定。好似印度茹素就係印度上層社會流行嘅一種文化，佢哋認為食肉係中下層人士先會做嘅一樣嘢因為佢哋覺得只有植物係直接吸收天地精華。唔同嘅古舊印度佛教文獻亦都只係記載佛陀唔忍心親眼見到動物被殺係為咗自己果腹，但係就冇講過唔可以食肉。但係幾千年裏面外國人入到印度見到上流人士茹素，又或者印度使者去到其他地方要求食素，慢慢慢慢佛教傳開其他地方之後，尤其是中國遵道教思想融入佛教之後，佛教徒食素就變成咗必然。
慾望亦都一樣好難界定，點樣為之過態呢好難佢講，只係追求嘅嘢唔同。有人追求所謂貨幣，有人追求田產，有人窮盡一生富有追求精神安樂。有得必有失，自己知道自己要乜其實先係佛教最終嘅真諦，再度盡自己所得方可正涅槃。
所以凡事可以放淡，舉個簡單嘅例子，有好多師兄師姐師弟師妹會去搵一啲人緣功效嘅佛牌，但係其實真正嘅人緣好唔係你帶咗個佛牌之後每一個人都睇你順眼，而係你恭請完個佛牌之後要懂得自己修心，好人緣其實係你自己睇每一個人都順眼。
講咗一堆撐返隻船返嚟我就我就自己畀返個人緣好嘅性價比高嘅佛牌。幫自己推銷下自己另外一區嘅post；
2543年龍婆實惠 屈別打南 首哈坤平。龍婆實惠雖然喺香港可能名氣唔及佢老友老虎廟龍婆本，你睇所有嘅華文介紹都係講佢人緣法脈出名㗎喇。佢嘅yant na nang人臉符咒都好易認。而且正正因為市場流通唔高，人氣相對唔高，假牌就比較少喇。

放下啦

jajamo 發表於 23-9-2023 21:40
何謂因何謂果，其實好難界定。好似印度茹素就係印度上層社會流行嘅一種文化，佢哋認為食肉係中下層人士先 ...

的確係，其實只有自己負擔得起，正當獲取，就唔算過頭既。反而有利社會經濟發展，人都係追求幸福生活既，無理由攞苦來身嘛。相反，負擔唔起，卻勉强去追求，就過頭囖，令自己更辛苦，又何必如此。

放下啦

jajamo 發表於 23-9-2023 18:20
我又無用夾唔夾去衡量，因為去計功效/夾唔夾係“有求”，有求必受外在因素影響，咁同“悟”只會走相反方 ...

其實師兄請咁多牌，係作爲興趣嗎？

jajamo

放下啦 發表於 23-9-2023 22:51
其實師兄請咁多牌，係作爲興趣嗎？

基本上我就雖然請咁多牌但係數目只係保留卅個左右，其他人多數都係穿趁他人飯聚嘅時候畀有興趣嘅牌友，有朋友需要嘅時候又會畀佢，哩兩年多咗朋友移民，佢唔抗佢嘅又會贈佢一尊。可以話係興趣，可以話係為咗研究自己一樣鐘意既野。要增長一種知識始終要通過自己不停去接觸果類型嘅嘢。而呢種增長基本上冇其他捷徑唯有不停自己接觸實物。去睇唔同師傅嘅用料同師傅嘅符印，慢慢先會分辦到好多嘢。咁係專注睇嘅過程入面，自然就會放低咗好多生活上面嘅煩惱或者對遇到唔同嘅事情既改觀。年輕嘅時候用誇張到自己去學鑲鋼殼、去九龍城偷師學包防水殼，到而家年紀大喇坐喺度去睇啲牌嘅用料法相，無可否認呢個都係進入咗一種迷思。
最後苦沉因窮為果，結果咪好似地藏王咁地獄未空誓不成佛，結果依舊停留喺六道之內。咁當然我冇咁犀利啦。
但係同時又畀我領悟到個道理，忘前因不計果，即是前因既定你自己其實可以改變諗法做法，果或者會因而改變哩。當然講好容易，做其實好難。
又返反樓主個主題先，另外一個覺得性價比高嘅就係2518龍婆啤崇笛，供金相宜，但係要自己留意假牌。

放下啦

jajamo 發表於 24-9-2023 00:13
基本上我就雖然請咁多牌但係數目只係保留卅個左右，其他人多數都係穿趁他人飯聚嘅時候畀有興趣嘅牌友，有 ...

師兄善心，真令人佩服，聼師兄講見解，又學到唔同角度看法。

GGC0510

價格跟功效是不同的事情

Hugo_96

jajamo 發表於 23-9-2023 21:40
何謂因何謂果，其實好難界定。好似印度茹素就係印度上層社會流行嘅一種文化，佢哋認為食肉係中下層人士先 ...

龍婆實惠人緣法脈的確唔錯,我有粒龍婆實惠符珠 黑肉祟笛印佩帶後都感受到的確係有改善同增強