有關出不了smk卡的問題

stanley8888

Rosa 發表於 30-10-2023 17:19
之前有試過在SMK開唔到卡，但在其他機構就没有問題。

師姐塊牌有冇比賽過?

stanley8888

亞特蘭提斯 發表於 30-10-2023 18:47
(因為有機會交比警方處理，所以我就唔提供圖)
真係唔好意思
睇到呢句已經笑咗 ...

有機會比人呃，除左報警，我都冇計
要笑隨便

stanley8888

huanchu 發表於 30-10-2023 08:58
入手老牌确实要慎重

我已當買一次教訓

stanley8888

pmxsl 發表於 30-10-2023 08:10
唔清楚出卡，不過就一直唔敢入手d老牌，依個都係原因之一

唔知係唔係心理問題，有時真係覺得老牌效果好

Rosa

stanley8888 發表於 30-10-2023 21:17
師姐塊牌有冇比賽過?

沒有比賽過，在SMK開不到卡但在另一大機構驗證為真品。

亞特蘭提斯

stanley8888 發表於 30-10-2023 21:19
有機會比人呃，除左報警，我都冇計
要笑隨便

師兄 做每一樣野前要用下個腦先 睇下做咗會唔會有效果
如果無又可必去做呢

第一
假設你真係認為比人呃咗，你想追索損失，你應該民事訴訟該商人，而不是透過公共資源，免費為你追溯，警察是處理刑事案件，商業糾紛是民事訴訟，兩者必須搞清楚關係。

第二
何謂詐騙？ 佢收咗你錢冇俾貨你？ 唔係。佢收咗你錢貨不對辦？又唔係。佢當時已經俾咗佢手頭上的證書給你，而你當其時認為冇問題先一手交錢一手交貨，人家如何呃你？ 你事後覺得有問題，你想追溯對方賠款，這是民事訴訟，需入稟法院向法庭提交理據，給予法官衡量誰理據較大，進行判決。

第三
你需要向法官提交理據，用什麼理據？指出SMK 驗唔到卡？ SMK 是泰國商業機構，而且只係業內認可，不是泰國官方法定認可檢驗機構，你在香港告香港人，用既係泰國理據？ 不是笑大人個口嗎？

第四
極少數古董文藝收藏品 可以成功告入對方得到賠償，因為對方在交易前已真誠地提供自己認為真實不虛的驗證方法，而買方又接受，即使買方事後後悔，都難以透過法庭追索

做野用下個腦 唔好自己奶左野就諗住報警可以幫到你 不過你都可以嘗試去報警既，我保證你白行一趟

解決辦法
解決辦法有好幾種，你係要選擇最差那一個方法，真係俾你吹脹

herman

最大問題係現在機構公信力越來越低
出到卡唔代表真，出唔到又唔代表假
實在好鷄肋

亞特蘭提斯

herman 發表於 31-10-2023 13:13
最大問題係現在機構公信力越來越低
出到卡唔代表真，出唔到又唔代表假
實在好鷄肋 ...

放心啦 外國人 貴牌唔會請 平牌輸左唔志在 係幾萬蚊既中價牌囉 都係個句 唔識睇，懶得睇就請之前要求賣家出多兩間卡，對家提供到你就唔好再諗自己屎忽痕又出， 出到由自何， 出唔到自己搵著自己搞

MartinYuen

好多比賽只係沙馬公 ‘’協辦”，唔係真正沙馬公比賽.

stanley8888

亞特蘭提斯 發表於 31-10-2023 09:27
師兄 做每一樣野前要用下個腦先 睇下做咗會唔會有效果
如果無又可必去做呢

版主師兄，首先詐騙既意思唔係有冇比貨，《盜竊罪條例》第16A條，詐騙的定義是欺騙或企圖欺騙而引致一位人士進行或不進行一個活動，結果引致有人得益或處於不利的情況又或者是引致有人會因此而處於不利的風險。

其次，詐騙係貨不對版的情況底下，永遠都係先一手交$同一手交貨，事先就知係假就唔會交易，呢個係邏輯上既謬誤。

再者，就係真證書假貨或者假證書假貨既問題
1: 真證書假貨(或者驗錯)我相信一定唔係第一單，一定會有案例，至於點判，交番比法庭。

2: 其次就係假證書假貨問題，包括偽造商標等，係跟據商標條例界定下係包括巴黎公約國或世貿成員，而泰國係成員之一，
任何人如有下列作為，則除非該人證明他行事時並無詐騙意圖，否則即屬犯罪 ——
(a)偽造任何商標；
(b)將任何商標或任何與某一商標極為相似而相當可能會使人受欺騙的標記以虛假方式應用於任何貨品；
(c)製造任何供人偽造商標或供人用以偽造商標的印模、印版、機器或其他儀器；
(d)處置或管有任何供人偽造商標的印模、印版、機器或其他儀器；或
(e)安排作出任何(a)、(b)、(c)或(d)段所提述的事情。

同埋照你既意思，如果有牌商惡意賣假牌，而又有方法出到卡或者證書，係事後第三方/或再認證下，得知可能被騙，消費者可以得到保障既機會係好微，咁樣就好唔公道。