傳奇聖物分享

Danielbuddha

呢尊聖物係最近新請，
post出嚟睇吓有冇人知道尊牌嘅背景先，
提示係非一般嘅「潑陀耐」😊

huanchu

王者经粉?

Danielbuddha

huanchu 發表於 30-4-2024 11:41
王者经粉?

No，並唔係關於材料方面

linchard

「潑陀耐」有什麽功效?

Danielbuddha

linchard 發表於 3-5-2024 21:53
「潑陀耐」有什麽功效?

「潑陀耐」可以話係全功能型，成願極高嘅聖物。
由泰國傳奇女尼——冠咩布倫於2494年督造。

而我呢一尊係比較特別，當年冠咩布倫督造及親自加持完成「潑陀耐」後，特意從中抽出500尊，背面冇符紋嘅佛牌，贈與為咗感謝教導過冠咩布倫嘅恩師之一——龍普連(屈農布)，而龍普連正正就係督造全泰五大粉質必打之一嘅龍普Yim嘅嫡傳弟子。
點解要揀呢500尊冇符文贈與師父呢？因為冠咩布倫謙虛，自覺係龍普連嘅弟子，唔敢喺師父面前班門弄斧，於是贈送冇符紋版本，表示對於師父教導的感謝，以及謙遜之意。而龍普連大師收到佛牌後，自然係非常開心同滿意！開心係女弟子能有如此成就，而滿意係冠咩布倫能把佛牌加持得如此之好。於是師父當下決定，自己也對這批佛牌進行加持念經。同時再從呢500尊牌中，挑選出100面，放置於寺廟的大殿之上。其他嘅400面贈與有緣嘅信徒。

一直到了佛曆2497年，為咗慶祝龍普連大師78歲大壽，同時需要為修繕寺廟大殿籌款，因此連同當年置於大殿上嘅許多佛牌一起取下，開放結緣供讓。當時為咗方便辨別呢批置於大殿上嘅「潑陀耐」，每面佛牌都先由龍普連師父親自於背後用粉筆畫上一條紅線。
即係話，呢100尊「潑陀耐」除咗有冠咩布倫加持之外,更經歷了多三年左右嘅寺廟加持。寺廟每天僧眾們嘅誦經，都無形中加持到呢批幸運「潑陀耐」。因此可以話係非常難得同殊勝，堪稱係超級特別版本嘅「潑陀耐」！

而更幸運嘅係，我可以用一個依家唔可能嘅價錢供請到，非常感恩傳奇女尼嘅庇祐🙏🏻🙇🏻

linchard

Danielbuddha 發表於 5-5-2024 20:25
「潑陀耐」可以話係全功能型，成願極高嘅聖物。
由泰國傳奇女尼——冠咩布倫於2494年督造。

你帶咗后, 有咩感覺? 泰國啲牌商都比較追捧呢個普陀耐

放下啦

師兄，網上信息話，冠咩布倫只係出家一年，然後還俗，唔知係真唔係。

Danielbuddha

放下啦 發表於 8-5-2024 09:28
師兄，網上信息話，冠咩布倫只係出家一年，然後還俗，唔知係真唔係。

冠咩布倫未出家前，佢嘅叔叔引導佢對佛法產生濃厚興趣，經叔叔介紹下於當時非常出名嘅龍婆拼(Pin)學習佛法，33歲第一次出家為「咩錫」，即「白衣女」，持八戒、唸經、打坐，持續修行九十日，之後就還俗。
到45歲時，冠咩布倫丈夫過世後就再次出家為「咩次」，意譯為「女尼」。

冠咩布倫一生都非常慈悲。其督造佛牌並唔多，反而加持過非常多物件，包括聖石、聖砂、貝殼等，以呢啲加持過嘅物件，皆有神奇嘅治療功效，例如將聖石浸泡於水中，就可以製作成聖水，可以醫治腸胃問題。
經加持過嘅生果，食咗之後有如藥到病除；另外有一種紅色黏土，可以醫治癌症腫瘤。

放下啦

Danielbuddha 發表於 8-5-2024 12:39
冠咩布倫未出家前，佢嘅叔叔引導佢對佛法產生濃厚興趣，經叔叔介紹下於當時非常出名嘅龍婆拼(Pin)學習佛 ...

原來係咁，感謝師兄補充信息